Imwieled ġewwa Għawdex fl-1956, lil Carmelo u Georgia, Anton Refalo għandu l-professjoni t’avukat, wara li ggradwa mill-istudji legali fl-1980.

Dr Anton Refalo ikkontesta fl-elezzjonijiet ġenerali kollha f’Malta mal-Partit Laburista mill-1987, u dejjem ġie elett fl-ewwel għadd ta’ voti. Huwa serva bħala Segretaru Parlamentari għal Għawdex bejn l-1996 u l-1998, meta l-Partit Laburista kien elett fil-Gvern. Fl-2013, wara l-elezzjoni tal-Partit Laburista fil-Gvern, huwa inħatar Ministru għal Għawdex, rwol li serva sal-2017. F’Mejju tal-2018, Dr Refalo inħatar Ċermen ta’ Heritage Malta. Riċentament, Dr Refalo kien appuntat bħala Ministru għall-Agrikoltura, is-Sajd u d-Drittijiet        tal-Annimali.

Refalo huwa attiv ħafna, kemm fil-Parlament kif ukoll fil-Qrati Legali ta’ Malta. Fil-fatt, huwa parteċipant frekwenti fl-arena politika f’dibtattiti lokali kif ukoll internazzjonali, jissottometti mistoqsijiet parlamentari, kif ukoll jikkontribwixxi fil-media lokali, u ħafna drabi jipparteċipa f’seminars organizzati li huma marbutin ma’ kwistjonijiet nazzjonali u reġjonali.

Lil’hinn mill-politika, Refalo huwa kollezzjonist tal-arti magħruf. Huwa jikkonsidra lill-mużika u l-evalwazzjoni tal-arti bħala mod san biex wieħed igawdi l-ħajja. Huwa serva bħala President tal-Assoċjazzjoni Għawdxija tal-Football. Huwa iħobb il-kumpanija tal-ħbieb tiegħu fid-dar, kif ukoll l-ivvjaġġar, partikularment f’pajjiżi Ewropej u fil-Mediterran. Huwa jgħożż ħafna lil Għawdex, bil-flora u fawna impressjonanti tagħha, u kif ukoll il-pajsaġġi tant sbieħ tagħha. Anton huwa ammiratur profond tal-għaqdiet volontarji u NGOs Maltin u Għawdxin.

Anton huwa miżżewweġ lil Michelina. Għandhom żewġ itfal żgħażagħ, Andrè u Simona.