Il-postijiet kollha tal-ikel huma meħtieġa bil-liġi li jkunu reġistrati mal-Kummissjoni dwar is-Sigurtà fl-Ikel sabiex, minn żmien għal żmien, ikunu jistgħu jiġu spezzjonati għall-konformità tagħhom.
1. Ir-reġistrazzjoni tan-negozji tal-ikel hija meħtieġa mill-Att dwar is-Sigurtà fl-Ikel, 2002 (Kapitolu 449) Taqsima IV Artikolu 11 u minn L.N. 180 / 2001. Ukoll, negozji ta’ l-ikel reġistrati m’għandhomx jintużaw ħlief għall-iskop li għalih huma reġistrati (AL 180 / 2001 Regolament 3(2). Nru XIII tal-2015. Ir-reġistrazzjoni hija bla ħlas, madankollu Ċertifikat ta’ Reġistrazzjoni, jekk mitlub, jiswa €12.80 skont L.N. 134 / 2004, kif emendat bl-L.N. 407/2007 u l-Att Nru XIII tal-2015.
2. Ir-reġistrazzjoni tal-post tal-ikel mal-Kummissjoni ma teżenta lil ħadd milli jakkwista xi liċenzji jew permessi meħtieġa taħt xi Liġijiet jew Regolamenti oħra. Ir-reġistrazzjoni MHIX liċenzja biex topera negozju tal-ikel (AL 180 / 2001 Regolament 3 (3)). Huwa reat li tagħti informazzjoni qarrieqa, mhux eżatta jew mhux kompluta fuq din il-formola (AL 180 / 2001 Regolament 4 (2)).
3. L-istabbilimenti li għandhom aktar minn ħanut wieħed tal-ikel fi ħdan l-imsemmi stabbiliment għandhom jirreġistraw kull ħanut separatament fuq formola separata. (Eż. Lukanda b’aktar minn kċina u ristorant wieħed; Supermarkets b’żona tal-biċċiera maqsuma, ħanut tal-ħut u/jew forn; sptar b’aktar minn kċina waħda; canteens tal-persunal; eċċ.).
Kif tapplika
Imla l-formola online hawn taħt, ipprintjaha, iffirmaha, u konsenjaha lil:
Food Safety Commission,
Agriculture Research and Innovation Hub,
Marsa, Malta.
L-applikazzjonijiet jiġu aċċettati mit-Tnejn sal-Ġimgħa bejn it-8:00AM sa 2:00PM, fil-Kummissjoni dwar is-Sigurtà fl-Ikel.
Formola ta’ Applikazzjoni
Dettalji ta’ Kuntatt
Food Safety Commission,
Agriculture Research and Innovation Hub,
Marsa, Malta.