Ir-Regolamenti tal-2001 dwar ir-Reġistrazzjoni ta’ Persuni li jimmaniġġjaw l-Ikel (L.N. 178 tal-2001) jgħid li:
- Ebda persuna ma għandha taġixxi bħala persuni li-jippreparaw l-ikel mingħajr ma tirreġistra mal-Kummissjoni tas-Sigurtà tal-Ikel.
- Ebda persuna m’għandha timpjega persuni li-jippreparaw l-ikel fin-negozju tal-ikel li mhumiex reġistrati mal-Kummissjoni tas-Sigurtà tal-Ikel u li għandhom dokument ta’ reġistrazzjoni kurrenti.
- Kull persuna li jipprepara l-ikel li japplika għar-reġistrazzjoni mal-Kummissjoni tas-Sigurtà tal-Ikel għandu jkollu ċertifikat validu kif deskritt fl-Iskeda li tinsab ma’ dawn ir-regolamenti.
- Kull min jimmaniġġja l-ikel irreġistrat mal-Kummissjoni tas-Sigurtà tal-Ikel għandu jinħareġ b’dokument ta’ reġistrazzjoni.
- Il- Kummissjoni tas-Sigurtà tal-Ikel għandha żżomm reġistru ta’ dawk kollha li jimmaniġġjaw l-ikel maħruġa b’dokument ta’ reġistrazzjoni.
- Dokumenti ta’ reġistrazzjoni għandu jkun validu għal perjodu ta’ sentejn jew ħames snin skont it-tip ta’ ċertifikat validu ppreżentat.
- Il- Kummissjoni tas-Sigurtà tal-Ikel għandha ġġedded id-dokument ta’ reġistrazzjoni meta tintalab tagħmel dan sakemm jiġi ppreżentat ukoll ċertifikat validu meta ssir it-talba.
- Dokumenti ta’ reġistrazzjoni għandu jkun disponibbli għall-ispezzjoni minn uffiċjal awtorizzat meta hekk mitlub.
Il-persuni li jippreparaw l-ikel huma kollha meħtieġa bil-liġi li jieħdu kors fuq l-immaniġġjar tal-ikel u wara wieħed jista’ japplika mal-Kummissjoni għas-Sigurtà fl-Ikel għal karta tal-immaniġġjar tal-ikel.
X’ser tingħata
Se tinħareġ il-karta tal-immaniġġjar tal-ikel. Dan għandu jinżamm f’kull ħin mill-persuna li qed jipprepara jew jimmaniġġja l-ikel biex jiġi ppreżentat meta tkun mitluba waqt il-qadi ta’ dmiru.
Eliġibbiltà
Persuni li jimmaniġġjaw l-ikel, sew ċittadini Maltin u dawk barranin, li jaħdmu Malta u Ghawdex.
Kif tapplika
Imla l-formola onlajn u ssottometti dawn li ġejjien
Dokumenti meħtieġa
1. Ritratt daqs tal-passaport.
2. Kopja taċ-ċertifikat validu li juri li l-applikant ikun attenda l-kors fil-prattika tajba tal-iġjene tal-ikel. 3. Dikjarazzjoni minn tutur awtorizzat li l-kors tlesta mill-imsemmi tutor.
Niżżel Dikjarazzjoni 
Applika Onlajn
Tista ukoll tniżżel l-applikazzjoni u tibgħata il- Kummissjoni dwar is-Sigurta’ fl-Ikel. L-applikazzjonijiet jiġu aċċettati mit-Tnejn sal-Ġimgħa bejn it-8:00AM sa 14:00PM. L-applikazzjonijiet mimlija għandhom jiġu ffirmati u ttimbrati minn tutur awtorizzat, inkella ma jigux aċċettati.
Formoli ta’ Applikazzjoni
Dettalji ta’Kuntatt
Food Safety Commission,
Ministry of Agriculture, Fisheries and Animal Rights, Agriculture Research and Innovation Hub
Il-MARSA MRS3303. MALTA
Tel: +356 22924887/6/5